हरिकथा निरुपणाला राजकरणाची कवच कुंडले समर्थांनी बहाल केली व राजकारणाला धर्मकारणाची बैठक छत्रपती शिवाजी महाराजांनी दिली. त्याच विचारावर अधिष्ठीत ही भक्ती शक्ती चळवळ म्हणजे शिवसेना धर्मवीर अध्यात्मिक सेना.

शिवसेना मुख्य नेते मा.ना.श्री.एकनाथजी शिंदे साहेब यांच्या प्रेरणेतून हिंदुत्वाच्या अनुषंगाने विशेष कार्य करण्याकरिता शिवसेना धर्मवीर आध्यात्मिक सेनेचे निर्मिती करण्यात आली. संत साहित्य अभ्यास व कीर्तनकार श्री अक्षयमहाराज भोसले यांनी याबाबतची संकल्पना मांडली होती. महाराष्ट्रातील सकल पंथ, संप्रदाय व साधू समाज यांच्यासमोर येणाऱ्या सर्व समस्या जाणून घेऊन योग्य ती कार्यवाही करण्याकरता या सेनेच्या माध्यमातून महाराष्ट्रभर काम उभे राहिले. कोणत्याही धर्माचा अंधळा अभिमान हा एक शाप आहे. तर त्या धर्माविषयांचे अज्ञान हा एक अपराध आहे. मात्र कितीही धर्म पंथ उदयास आले तरी हिंदू धर्माचे यथार्थ ज्ञान ही एक वैचारिक आवश्यकता आहे. या भूमिकेतून जन माणसांपर्यंत भक्ती शक्तीच्या अतुल्य संवादातून मा.ना.श्री मुख्यमंत्री एकनाथजी शिंदे साहेब यांच्या नेतृत्वात व खा. डॉ. श्रीकांतजी शिंदे यांच्या मार्गदर्शनाने सदर विचार महाराष्ट्रभर पोहचवत श्री अक्षयमहाराज भोसले यांच्या नेतृत्वात महाराष्ट्र राज्यातील ११२ पेक्षा अधिक पंथ व संप्रदायाचे मुख्य धर्मगुरु यात सक्रिय सहभागी झाले.

आम्हाला आपणास कळविण्यास आनंद वाटतो की जवळपास ३००० पेक्षा अधिक साधू व संत, कीर्तनकार, निरूपणकार सक्रिय असणारे हे राजकीय क्षेत्रातील एकमेव संघटन आहे. विशेष बाब म्हणजे महाराष्ट्राच्या भक्ती, साहित्य व सांस्कृतिक परंपरेमध्ये योगदान देणारे थोर संतांचे वंशज देखील या सेनेमध्ये सक्रिय होऊन अध्यात्मिक क्षेत्रासाठी मोठे योगदान देत आहेत.